اتحدى اي واحد يكمل هاي المباره بدون ضحك

اقوى مباره بكأس العالم 2077 بين؟
( الصومال - البرازيل )
(ارجو من كل واحد يدخل يتابع المباره للنهايه ) .رجاء,.......


تعليق المباره بصوت المبدع سنان الراوي
***********************************
سلامن عليكم و اهلا جزيلا و جزاكم الله
و نعم الوكيل (سكران أخلاقة عالية) المهم
صباح الخير اذا دتتريك و مساء الخير اذا جنت بكندا و نعيما اذا دتزين
شلونكم و شلون صحتكم؟
يابه اليوم عن طريق قناة السويس و قناة الجيش و قناة سبيستون الرياضية و الباقة
الصومالية (الصومالية لخدمات الانترنت و المايكروييف ( ص.خ.ا.م) يعني صخام
المهم
و عن طريق القمر باب الشرجي سات بزاوية حرجة شرقا نقدم لكم وصف تفصيلي لمبارة
الصومال و البرازيلي في نهائي كأس مقاديشو 2077 بعد الهجرة

بالبداية تعريف بالفريق الصومالي

خطية صارلهم 612 سنة ما عالسين شي بحلكهم و عايشين عال
كركم و اقوة لاعب بيهم رقم 7 (سنفور الصومالي الملقب ب مارادونا اكس بي ) و الفريق
يعاني من مشكلة الهبوط بالضغط و ثانيا انه 27 لاعب محترف بأندية اوربا (دعبل
ناشئين دون سن العقل العفو قصدي سن ال 18) و واحد من اللواعيب عندة بطباطة
بجعب رجلة اليسرة لذلك لياقته نزلت مترة و نص,,,, اضافة انه الكولجي طلك مرتة لانه
اتصلت بصديق ببرنامج من سيربح المليون
و الفريق بقيادة المدرب الصومالي المعروف (دهاك خوش لعد) لباخ و حارس عمارة
سابقا مدرب حاليا

اما الفريق البرازيلي
البرازيل خوش فريق تدرون بس مشكلته يحمة بساع بالصيف تعال برّد الفريق او شيّش
الراديتر مال المنتخب البرازيلي خاصة اذا الفريق موديل 87 او 88 (هاي اني شدا اخربط؟؟)
رونالدينهو : مرة ضرب طوبة بلعبة بالبرازيل هلكد ما قوية وكعت بملعب الشعب ( لا ابد ما يهمبل)
و جمالة جانت لعبة الزوراء و النفط

روبرتو عنفص : تالي قدم معاملة و غيّر أسمة سوا كارلوس و عنفص ذبه بالزبل
المهم

هيونطة ابو شوارب : اسمة رونالدو جان يلعب بنادي المحاويل و قدم لجوء و قبلوه بالفريق
ملاحظة : رونالدو هلكد ما سريع مرة اخذ الطوبة و طار بيها لكة نفسة بالطارمية و رجع
للملعب بتاكسي و مرة صعد (كلّه) 200 متر بحيث كام يختنك لان بطبقات الجو العليا امعوزين اكسجين

ملاحظات عالمباراة

الركنيات

البرازيل: 88989 الصومال : أصلا ما وصلو للنص يا ركنيات يا بتيتة


الضربات الحرة
البرازيل : 11222 العراق- نينوى هاي اني شدا أمسلت؟.؟ رقم منيفست هوة؟؟
شطحت زايد

البرازيل 11222 (كلها جتي كول ) الصومال : ولا فاول لان من كاعهم أنيميا و فقر دم


أنتهت نتيجة المباراة 343456785655- صفر و الصفر مال الصومال كالوا
تسلل و أحتمال يلغوه

4 لواعيب من الصومال وكعو بالملعب الحكم عبالة انكسرو من البرازيليين طلعوا
واكعين من الجوع


تحركات كولجي البرازيل

دقيقة 1 - دقيقة 24 : ديخابر صاحبتة بالموبايل و متمدد على خط المرمى
دقيقة 25- دقيقة 44 : فرش أمشمع جوة منطقة ال 8 ياردات و ضرب الدولمة مال
الحجية و عزم ابن اختة ما عنده شغل وعمل؟؟ ليش همة الصوماليين عبرو النص؟؟
دقيقة 45-66 : خابرو عليه البيت : وليدي عوف اللعبة و روح جيبلنا صمون حجري
نسيبك طرن ما يحب الخبز مال ام ستار الخبازة , يلا ابني فضها ترة حالف يطلكها لاختك جيبلة زقنبوت و ارجع صد
دقيقة 67-الى نهاية المبارة : اتعرف على 3 ولد شباب من الجمهور بالبلوتوث و سوو
كعدة شبابية بعشيقة و فريدة و مزات و شوية خيارات و علكت و
نراكيل

الفريق الصومالي أجّر واحد من الجمهور يجيب الطوبة يحطها سنتر لان تعبو كلساع
جايبين الطوبة و حاطيها بالسنتر
كولجي الصومال طلع ذيل الفار و شارب الجريدي و جعب رجل الضفدعة المطلكة و
شمرهن و كال : يا سحر يا عمل يا فتاح فال يا لبلبي؟؟ اشو دفنت السحر مثل ما كلي
كامن الكوالة تجي كل 23 سوة الا نعلى على هال شغلة مو جنت جايجي شجابني على
هال طركاعة؟؟

صومالي بالدفاع خابر على صاحبه بالهجوم : هسة تعوف كلشي بيدك و تركب تاكسي
و تجي ,, الدفاع ضعيف ,, اللاعب الصومالي ما جذب خبر نزع الساعة و المحبس و
رجع رأسا لأن كللولة عوف كلشي بيدك و تعال

جائزة 1000 دولار لمن يعرف لون تيشيرت الكولجي البرازيلي (محد عرف لان
الكولجي ما طلع اصلا و أجر الكول مشتمل بورقتين و نص بالشهر

و اخيرا

مدرب الصومال يبرر سبب الخسارة انه غلط و جاب فريق
الصومال مال سلة بدال فريق القدم و يتوعد بالانتقام في مباراة الاياب

و تعيشون و تسلمون دوختكم

لا تنسوون تشجيعكم للفريق الفائز بالردود