ماشوفك تحبني وچنك انت ابعيد اشما اقرب عليك اتزيد حسراتك ،
اذا خايف احرجك گلي ليش اتخاف ماريد آنه اصبح سبب مأساتك،
احسب للطريق وشوف دربك زين بس آنه اعتقد حاسب حساباتك،
مرات اني اشوفك قمه بالاشواگ ومرات احس گلبك عكس نظراتك،
اشوفك ترف واطمع ع الترافه البيك اجيك وتنگلب قاسي بعلاقاتك،
يا زايد بالكرم واكثر بعد للناس بس وياي تبخل ليش ساعاتك،
تلعب على اجروحي وتضحك ومرتاح وأنا ابطيبة گلب احمل جراحاتك،
واضح ويه غيري وغامض انت وياي اتمنى اني غيري واحوي ضحكاتك،
بس راح اني اعوفك وانشغل بالروح وما تلگي من يمسح غيري دمعاتك
الخميس مايو 22, 2008 5:54 am
